ملك .. السعودية الغائب

هات القلم وقرب معاه فنجال
قهوه عباره عن بن وزنجبيل

بنظم أحلى قصيده والوزن آل
وأجر أعذب ألحان وأعذب مواويل

برثي رجل لكن عن ألف رجال
خذته الأقدار وأعلنت موعدها للرحيل

عبدالله بن عبد العزيز يافخر الأجيال
مدري مثيلك وين نلقى بديل

لامن طرو أبو متعب يصيبني هبال
وتتوقد نيران شعري ويشب الفتيل

على مليك تعجز عن مدحه الأقوال
وتقصر عند يده كبيرات الأفاعيل

أبو متعب رجال وياترى أي رجال
محشوم عن الشك والريبه والتآويل





ملكنا مليك العروبه سيف بتال
على العداء وعلى القريب قلبه جميل

تبكي عليه عيني والدمع همال
وعيون العرب عليه تذرف هماليل

ياما قطع لنصرة المسكبن أميال
راح وتعنى وماحسب حساب كم ميل

وياما نزل فجواره كم لاجي ورحال
لين صار اسمه عندهم زبن الدخيل

جعل مثواك الجنه ياطيب الفال
والله مدري وين نلقى مثيلك بديل

منور

بارك الله فيك اخي العزيز
على الموضوع القيم

منور